داکتر فیض الله ایماق

تورنتو – کانادا

                           امیر تیمور صاحبقران

       جاری  ییلد ه  امیر تیمور تولدی نینگ 670 ییللیگینی بوتون جهان نشان له ماقده. بونینیگ اوز سببی، اوزیگه خاص اهمیتی بار

        امیر تیمور بیلن فقط اوزبیکستان خلقی ایمس،بل که جهانده گی برچه اوزبیکلر، شو جمله دن تورکی خلقلر حقلی روشده فخرله نه دیلر  مینگ شکرانه لر بولسین،تاریخیمیزده امیر تیمور، علیشیرنوایی، میرزا اولوغبیک،میرزابابر،ابن سینا،البیرونی،الخوارزمی،فرغانی یسوی،نقشبندی،البخاری،الترمزی کبی علامه لریمیز کوپله ب تاپیله دی منه شوهر بیری بی تکرار سیمالرکروان باشی سی حضرت صاحبقران امیر تیموربوله دیلر.

          امیر تیمور فقط بویوک سلطنت توزگه نی،سمرقند،بخاراکبی شهرلرده گی تاریخی آبده لرنی  قالدیرگه نی،ییلکه سی ییرایسکه مه گن سرکرده بولگه نی اوچون گینه قدرلی ایمس. اینگ اولا تورکی خلقلر نینگ نامینی جهان صحنیگه آلیب چیققن اولکن سیما صفتیده هربیریمیزاوچون قدرلی دیر.

         دولت اربابلری،ییریک سرکرده لرنینگ تاریخی اورنی شونده که،اولرنینگ فعالیتی فقط بیرتمانله مه بولیب قالمه یدی. امیرتیمورفعالیتی جمعیت حیاتی نینگ برچه-برچه ساحه لرینی قمره ب آلیشی بیلن دقتگه سزاواردیر.دیمک،تاریخده اسکندر مقدونی، ناپلیون وباشقه اولوغ سیمالرکبی ییریک سرکرده لر،دولت اربابلری اوتگن. بولر نینگ بیرانته سی کینگ قمراو معنا سیده سیز بیلن بیزنینگ فخریمیز بولگن امیر تیمور – حضرتلری بیلن بویله شه آلمه یدی. امید قیله میزترکی خلقلر یشه یدیگن زمین کیلگوسیده بیزلرگه بی حساب تیمورلرنی ییتکه زیب بیره جک. بیران بیرخلق نینگ فرزندینی کم سیتمه  گن حالده آیتیش کیره ک که،امیر تیمور فقط تورکی خلق لرنینگ تاریخیگه ایمس، بل که،باشقه خلقلرنینگ،یعنی ترقی پرور انسانیت نینگ تاریخیگه نامی زرحل حرفلربیلن بیتیلگن سیما ایکه نینی هم آیتیب اوتیش نی ایستردیم. بونینگ تیره ن تاریخی ایدیزلری بارلیگی همه میزگه عیان امیر تیمورباشله گن اولوغ ایش نی میرزا اولوغبیک علم نجوم ودولت چیلیک ساحه سیده رواجلنتیردی. خوددی شونده ی میرزا ظهیرالدین بابر ییریک سلطنت یوزه گه کیلتیریب، بیتکرار علمی وبدیعی اثرلریره تیب، امیرتیموراساس سالگن بویوک دولت چیلیک سیاستینی یوکسک راق پاغانه گه کوتردی. اورته عصرلر شرق اویغانیش(رونیسانس) دوری نینگ ایککی یاروغ یولدوزی- مولانا عبدالرحمن جامی بیلن علی شیرنوایی ایسه ادبیات ساحه سیده تیموریلر دوری نینگ اینگ یوکسک چوققی لری بولدیلر.  بوندن شو عیان بوله دیکه،اگر اولوغ بابامیز امیرتیمورحضرت لرینی اولکن چنارصفتیده تصورقیله دیگن بولسک،اونینگ شاخه لری –اجتماعی- سیا سی حیات نینگ برچه ساحه لرینی تشکیل ایته دی.                             تاریخ نینگ گواهلیک بیریشی چه ، امیر تیمور حیاتی نینگ اکثریت قسمی سفرلرده،حربی- نظامی یوریشلرده اوتگن.بوندن قطع نظر اونینگ بیران بیرمشورتی علامه لر اشتراک سیزاوتمه گن.امیر تیمورنینگ علم- فن،مدنیت وصنعت نماینده لریگه حامی لیگی حقیده گپیرگنده،اولا"استاذ لرگه بولگن مناسبی نی ایسله تیب اوتیش درکار.قه نی آیتینگ – چی،قیسی بیر بویوک انسان وفاتیدن کیین استاذی پاییگه دفن ایتیشلرینی وصیت قیلگن؟قرنگگه،امیر تیمور حتی قبرده هم سیز بیلن بیزاوچون حقیقی انسانی لیک تمثالی بولیب یاتیبدیر.  استاذ آتنگدن اولوغ، دیگن نقلگه عمر بویی عمل قیلگن،یریم دنیانی ایگلله گن بولیشیگه قره مسدن منگو مقالنی هم استاذی پایی ده دیب،بیلگن اولوغ سیما نینگ علم وفن ادبیات وهنر نماینده لریگه مناسبتی فقط ایجابی بولیشی طبیعی دیر. امیر تیمورسلطنتی ده گی اساسی اداره لرومنصبلر:یعنی اهل دیوان، منشی درباروکاتب اسرار ،امام جماعت، صدور مملکت،تاریخ وسالنامه اوقوچیلر،طبیب لر،منجملرسمرقند فقیه لری،محقق لر،مهندسلر، قاریلر،وزیرلر،خطیبلر، اهل کتابت ویازوچیلر،زرگرلر،شطرنج بازلر،سازنده لر،نقاشلر،هیکلتراشلرباغبانلر،بولگن لیگی اولوغ سرکرده دنیا قره شی قنچه لرکینگلیگیدن دلالت بیره دی. امیر تیمورنینگ حتی که لشکرباشی لیک تجربه سی درجه گه ییتگن بیر پیتده هم یان- اطرافیده گی سلیمانشاه، قمری،سیف الدین ،الله داد،شاه ملک وشیخ نورالدین کبی یقین کیشی لری بیلن مصلحتله شیشنی کنده قیلمسلیگی اونینگ عملیاتی بیلن نظریه نی قوشیب آلیب بارگندن،هیچ قچان اوزیگه بنا قویمه گه نی مغرور لیککه بیریلمه گه نید ن یارقین دلالت بیره دی  امیرتیمور قرارگاهیدن محلی اهل علم بیلن بیرگه ابن عربشاه کبی عربیلر،کلاویخا کبی اروپالیکلر باش پناه تاپگن لیگی سرکرده نینگ عالم لرنی ملتگه اجره تمه گه نید ن دلالت بیره دی.شونی سی اعتبار گه لایق که،ییراقنی کوره بیلگن صاحبقران نینگ فعالیتی گه دایر قیمت بهاءتاریخی اثرلرآره سیده ابن عربشاه و کلاویخا نینگ تاریخی اثرلری علیحده اورین توته دی درحقیقت،امیر تیمور جهان نینگ قیسی بیر مملکتی نی ضبط ایتمه سین،انه شوجایده علم اهلی نینگ باشینی سیله دی. رعیت نینگ کونگلی گه قره دی.بی پایان سلطنتی ده ترتیب- انتظام بولیشی اوچون حرکت قیلدی کهنه شهر سبز یقینیده گی ایلغار قشلاغیده 1336میلادی ییلی دنیاگه کیلگن صاحبقران زمین نینگ صیقلی- سمرقندنی  سلطنتی نینگ پایتختی ایتیب تنله دی وبو نینگ اوزیگه خاص سببلری سمر قند نینگ جغرافیایی قوله ی جایلشگن لیگی بیلن باغلیق اهمیتلری موجوددیر. سمرقند شهریده گی تیمور دوریده قوریلگن تاریخی آبده لر،کیین-چه لیک سمرقند، بخارا،شهر سبزکبی قطارشهرسبزکبی قطار شهرلرده امیر تیمورنینگ فرمانی، قاله ویرسه تیموریلرتمانیدن برپا ایتیلگن آثار عتیقه لرامیر تیمورسیماسی نینگ مدنی- معنوی،معماری،تاریخده قالدیرگن اوچمس ایزید ن یارقین دلالتدیر.امیر تیمور فرمانی بیلن قوریلگن تاشکند یقینیده گی  زنگی آته و کهنه ترکستانده گی یسوی مقبره لری نینگ اهمیتی نی هم کیزی کیلگنده آیتیب اوتیش کیره ک.ترکستان ملکی نینگ شیخ المشایخی خواجه احمد یسوی قبری اوستیگه تیکیلگن مهابتلی مقبره امیر تیمور نینگ اهل شعراگه، اهل علماگه همتی نینگ دردانه لریدن بیری صفتیده منگو صلابت توکیب توره ویره دی.جاری ییل امیر تیمور تولدی گه 670 ییل تولدی. آره دن شونچه فرصت  اوتگن بولیشی گه قره مسدن بیز عاصی بنده لر امیرتیموربویوک لیگینی توله لیگیچه انگله  ب ییتگه نیمیزیوق دیب کامل ایشانچ بیلن ایته آله میز.بو نینگ اوزیگه خاص سبب لری بار.یعنی انسانیت تاریخی نینگ معیین باسقیچلریده میدانگه چیقه دیگن امیر تیمور سیماسی نینگ سری وسحری نی انگله ماق اوچون کمیده انه شونده ی صلاحیت گه ایگه بولماق طلب قیله دی.افسوسکه تنگری همه نی هم بونده ی نادرصلاحیت بیلن سیله یویرمه یدی. امیر تیمور سیما سیده انسانی فضیلتلربیلن بیر قطار ده الهی خاصیتلر اویغونله شیب کیلگن لیگی اوچون هم ترکی خلقلر نامی نی بشریت تاریخیده اولکن توتگن وتوته یاتگن بویوک خلقلر بیلن یانمه – یان یازیلیشینی تاءمینله یدی.