|
|
|
حاضرله گن کیشی کاظم نیازی
عبدالاحد حقیار نینگ قیسقه بیوگرافی سی الحاج عبدالصمد چرمگر اوغلی عبدالاحد حقیار هجری شمسی 1338 ییل فاریاب ولایتی گه قره شلی اندخوی اولسوال لیگی نینگ چرمگر خانه گذریده دنیا گه کیلگن . باشلنغیچ ، اورته دوره سی و لیسه نینگ قاضی بابا مراد مکتبی همده ابومسلم لیسه سیده اون ایکی صنفی نی موفقیت لیک بیلن 1358 ییل بیتیریب اوشه ییل کانکور امتحانی نینگ موفقانه اوتکزیب کیین عسکر لیک مقدس خدمتیگه شامل بولدی ، دیمک آلتی آی عسکرلیک خدمتی نی بجریب کیین کابل دانشگاه سی ، تیل و ادبیات فاکولته سی دری بولیمی گه شامل بولیب اوز تحصیلی گه ادامه بیردی حرمتلی حقیار ایکی ییل اوشبو فاکولته ده اوز تحصیلی گه ادامه بیریب قیین چیلیک تاپیلگنی سببلی اوچینچی و تورتینچی صینفی گه ادامه بیرالمی تحصیلی چله قالدی حقیار فاکولته دوره سیده شعر ایتیش گه باشلب یوزلرچه غزل ، قصیده ، رباعی ، مثنوی طرز لرده شعریره تگن او شعر ده حضرت نوایی ، مشرب یول لرینی ایزله گن . حقیار حاضر اندخوی اولسوال لیگی ده حیات کیچیرماقده
شعر لریدن نمونه لر
با با مشرب غزلیگه مخمس: "ییغلادی"
فرقتینگ دین ای گوزل دل سینه بریان ییغلادی بیلماسین اغیار دیب شول کیچه پنهان ییغلادی اورتانیب گاهی دمادم جسم ارا جان ییغلادی کیچه بزمینگدین ایراق عشق اهلی چندان ییغلادی کویدیلر پروانه لرشمع شبستان ییغلادی
چشم مخمورینگدین اولدیم مین غریب دیوانه وار سین اوتار سن کورمایین جلوه قیلیب مین کونگلی تار شمع حسنینگ نی کوری دیب دل ینه کوپ بیقرار ساغینیب یوسف نی چندان ییغلادی یعقوب زار هم مسافر بولدی یوسف اهلی کنعان ییغلادی
عشوه و ایما لرینگ نی کیچه لر دل یاد ایتیب فرقتینگنی دردی دن هنگامه لر بنیاد ایتیب کیتدی صبرو هم قراریم هوشیمی برباد ایتیب ساقیا سون بیرصراحی دم بدم فریاد ایتیب اهلی مجلس آلدیده یاش اورنیده قان ییغلادی
یار نینگ وصلی اوچون رنج و مشقت دین نی باک اول گوزل یاریم نی هجری گرچه بیحد درد ناک اول ایشانیب یاو سوزیگه مین انگه قلبیمده پاک هر تیکان غم تاغیگه سانچیب ایاغیم قیلدی چاک اول مینگه رحم ایلامس خار مغیلان ییغلادی
کیلمسه اول اگر بول حال زاریمنی سورب مین بارور من باش قویارغه آستانیغه قرب داد ایتر " حقیار " هر دم کیلمس اول عالی نسب " مشربا " گر جان یقاسین چاکچاک ایتسام عجب کیم فلک نی جوریدین سرو خرامان ییغلادی
اوزبیگیم
ای مینینگ جان و جهانیم اوزبیگیم جان اوزبیگیم دولتیم ، بختیم ، چراغیم بیزگه ایمان اوزبیگیم
افتخار و شوکتینگ اوتمیشده زرین خط بیلن صفحهٌ تاریخمیزده بیزگه قالگان اوزبیگیم
تیمور و افراسیاب و بابر و چنگیز خان هربیری دوران لر ده مرد دوران اوزبیگیم
ارسلان دیک حمله سی و ضرب دستی دین انینگ باش ایگن تیمورقاشیده قنچه خاقان اوزبیگیم
میرزا بابر تدبیریگه تن بیرور خاقان لر مرد میدان لر بولیب هم قویدی دیوان اوزبیگیم
معتبر تاریخ لرده میر تیمور آتی نینگ قهرمان کشور کشا دیب نام قویگان اوزبیگیم
مخلص اهلی مقتداسی شاه حسین بایقرا مرقدشیر خدا نی توزدی سلطان اوزبیگیم
بیردی زینت تاریخینگ دورانینی شیبانی لر ارزیگی وصف ایتگلی اول ترک عثمان اوزبیگیم
منشاٌ اصلینگ نی بیلسنگ کم ایرور نسلینگ سینی نوح پیغمبر نی اوغلی یافث اوغلان اوزبیگیم
تاج محل تاج جهان دور سینگه شوکتلی نشان لعل و یاقوت دین بیزلگن شان کیوان اوزبیگیم
اول علیشیری نوایی بابه میز میر کبیر بیز گه رفعت ، بیز گه عزت ، بیزگه هم شان اوزبیگیم
بابه مشرب سوز لریدن یاغیلور وحدت نوری حق یولیده اورتانیب بولگن ثنا خوان اوزبیگیم البیرونی بیدل و فارابی و بابر لرینگ چامه سی بیرلن یراتدی طرفه داستان اوزبیگیم
کیمسه دیب بیلمس سینی بی رمز تحریر نیگه کیم خط اورخون بول سوزیمگه کتته برهان اوزبیگیم
کوکداکی اولکر کیبی گر بیرلیگینگنی سقلاسنگ آسمان گونگلیمیز بولگی چراغان اوزبیگیم
" حقیار " حقین ادا بولگی موکین دیب دایما چیکدی خامه سین قووانتیر بیرمه حرمان اوزبیگیم
کونگل هوسی
کورماگینگنی بیر نفس قیلدیم هوس گرکوروب یومسام کوزومنی مینگه بس
مین تیریک من خاص دیدارینگ اوچون لحظه لر یادینگ قیلور تنده نفس
ایرکین اولسام مین دیدارینگ ایلن ورنه بو دنیا ایرور مینگا قفس
سین گوزل سن سین گوزل لر خانی سن خانلرنی خانی سن خان اوخشمس
شورو شوقیکه دلینگده موج اورار جمله الفت دین جوده هم سین انس
همدیم سن آرزوم سن ای کوزم سین کبی همراز ایندی اوچره مس
دهر ارا ایرکین گوزل لر کوب ایرور بشقه ایرکین لر ولی سندیک ایمس
منبع عشق و محبت کوپ ایرور بیر اوزینگ دین باشقه نی دل خواهلامس
ییل اوتوب عشقینگ یورک ده اوج آلور شول سبب دین توسقین اولمس خاروخس
ذوق دیدارینگ توتاشتیردی جانیم کیچه لر تاپمای قرارهمچون عسس
« حقیارینگ » دوستلرنی باشیغه نثار جان قیلور همده جهان ای یخشی کس
شهسواریم بار مینیگ
ساچ لاری دور تارتار کوزی خماریم بار مینیگ چقیگان گلشن کبی بیر نوبهاریم بار مینیگ
دایم اورتاب عشقیده مجنون کبی صحرا گیزیب قامتی سرو روان و گعذاریم بارمینیگ گل یوزین ایستب یوراکیم لاله ینگلیغ داغ دو هجرینی صحراسیده بیر لاله زاریم بار مین
کیچه کوندوز یادینی ایلاب دلیم آواره دور کابلستان سرزمینده بیرنگاریم بارمینگ
آه چیکسم اورتانور من شمع ینگلیغ غم ارا نی اوچون کیم هجریدین قلب فگاریم بارمین
تون و کون هجرانیده کوز یاشیمی ایلاب روران ایکی یاشلو کوز لریمدین چشمه ساریم بارمینگ
گرتکلم ایلاسه عالم همه حیران اولور نکته دانلیک ملکیده برشهسواریم بارمینینگ
کوپ زمان لاردین بیری « حقیار »یولینگده تیرمولور بیر یولی کورسم ایدی دیب انتظاریم بارمینگ
|
