|
گووالف ده طنطنه لی ییغیلیش
کانادا
نینگ آنتاریو ولایتیگه قره شلی گووالف شهریده 2006 ییل 17-18 فبروری آ ییده
طنطنه لی ییغیلیش بو لیب اوتدی . بو ییغیلیشده افغانستان تورکلری تورلر- تومن
معما لری تیکشیریلیب، بو معمالرنی حل ایتیش یوللری حقیده چاره تدبیرلر
کوریب چیقیلدی. ییغیلیش کانادا ده گی افغانستان تورکلری
مدنی- کلتوری اویوشمه سی تمانیدن عمل گه آشدی.
کنفرانس کون نینگ بیرینچی یریمیده تار دایره ده گووالف
شهریده گی افغانستان تورکلری اویوشمه سی نینگ
کنفرانسلر سالونیده بولیب اوتدی.اونده کنفرانس آجندا سی
اعلان قیلینیب، همده اروپا ، امریکا وکانادا ده استقامت قیله دیگن قویده گی
مشهور و تنیقلی ژور نالیستلر و سیاست شناسلرتیلفون آرقه لی اوز منتدار چیلیک
سوزلری ، همده بوله جک کنفرانس ده افغانستان تورکلری پرابلملری کنفرانس
هیاتی تمانیدن انابت گه آلینیشینی تاکیدله ب اوتدیلر:
1-هالیندن- داکتر همت فار یابی،
2-لندن دن- داکتر سخا آصفی،
3-جرمنی دن- عبدالغفور فاریابی،
4نیویارک دن- محمد اکبر اندخویی،
5-جرمنی دن - داکتر امان الله عصمتی،
6-کانادا نینگ ونکوور شهریدن- محمد عثمان ایماق
7- لندن دن- همایون سرخابی،
8-جرمنی دن- محمد نعیم اندخویی،
9-نیو یارک دن- انجنیررحیم عابدی،
10-لندن دن- قیوم صمیمی،
11-لندن دن - هوشنگ پیگیر "قویاش"،
12-لندن دن- خانم سرخابی،
13- دنمار ک دن- انجینیر بسم الله توردی،
14- سویدن دن- محمد کاظم نیازی،
15 - جرمنی دن- ذاکر جان اورز،
16- دنمارک دن- انجینیر غیب الله ،
17-- دنمارک دن- محمد الله وطندوست،
18- هالیند دن- داکتر پروین رویین،
19- هالیند دن-محمد عمر داهی .
شو کون
نینگ ایکینچی یریمیده گووالف شهریده استقامت قیله یاتگن 300نفر گه یقین
افغانستان تورکلری وکیللری ییغیلیشگه اشتراک ایتدیلر. کنفرانس قتنشچی لری
نینگ قریب یریمینی
خاتین - قیز لر تشکیل ایتر ایدی .کنفرانس قرآن کریم آیتلری
تلاوتی بیلن باشلندی. تلاوت قاری امان الله نظری تمانیدن عمل گه
آشدی.کنفرانس گه ایسه قدرت الله داهی رییس لیک قیلدی.
کنفرانس ده بعض بیر دانشمندلر افغانستان ده گی تورکی خلقلر
پرابلملری حقیده سوزگه چیقیب،کنفرانس قتنشچیلری تمانیدن
ایزمه-ایز قرصکلر وقیز غین هیجان بیلن آلقیش لندی. اوندن کیین،9 ماده دن
عبارت کنفرانس بیان نامه سی" قطعنامه" اویوشمه نینگ خلق ارا مملکتلربیلن
علاقه باغله ش رییس
ظهیر الدین شاکری تمانیدن اوقیلدی.
قطعنامه قویده گیچه :
1-ماده:افغانستان تورکلری باله لری تحصیلی باره سیده
الف -افغانستان نینگ تورکی خلقلری استقامت قیله دیگن منطقه
لرده ، تعلیم وتربیه اوقو کورسلری نی آچیش.
ب- مذکور کورسلرگه مادی ومعنوی یاردم کورسه تیش.
ج-تحصیل کورگن کدرلرنی مملکتدن تشقری دولتلرده ملکه سینی
آشیریش.
د-تورکی اوزبیکی تیلی نینگ اورگه تیش کورسلری نی یولگه
قوییش.
ه- تعلیمی وتربیوی پروگراملرنی رادیو وتلویزیون آرقه لی
نشر ایتیش.
2- ماده:پارلمان
الف-شمالی منطقه لروکیللری شوراسینی تشکیل ایتیش واولرنینگ وظیفه لرینی
بیلگیلش.
ب-افغانستان تورکلری منفعتینی نظر ده توتگن حالده، ینگی
قانونلر چیقاریش و اولرنی تصدیقله ش.
ج- اندخوی شهرینی ولایت درجه سیگه کوته ریش.
3-ماده:افغانستان ملی اسلامی حزبی نینگ تشکیلی، اداری،مدنی
وسیاسی تماندن قیته کوریب چیقیش ومذکور حزب نی قیته دن
فعاللشتیریش.
4-ماده:دوست دولتلر یاردمی نی مملکت گه جلب ایتیش.
5-ماده:اقتصادیات
الف-سوداگرلر وتاجرلر شوراسینی تشکیل ایتیش.
ب-تورکتبار سوداگرلرنی رغبتلنتیریش اوچون اولرنی اقتصادی
تمانیدن قولله ب - قوتله ش.
ج-ملی تاجرلرنی مملکت شمالیده سرمایه یاتقیزیش اوچون ترغیب
وتشویق قیلیش.
6-ماده:افغانستان شمالی منطقه لرده اقتصادی پروژه لرنی برپا
ایتیش و کوچیتیریش توغری سیده.
الف-قیسقه مدت و اوزین مدتلی پروژه لرنی برپا ایتیش .
ب-مملکتده ینگی پروژه لرنی تشکیل ایتیش وبو منطقه ده گی سو
معمالرینی حل ایتیش.
ج- یول قوریش و تعمیرلش پروژه لرنی قوریش وتکامللشتیریش.
د-ساغلیک نی سقلش موسسه لر وشفاخانه لرنی قوریش.
7- ماده:تلویزیون ، رادیو و مطبو عات:
الف- خصوصی رادیو لرنی برپا ایتیش
ب- تورکی اوزبیکی تیلینی اورگه نیش دستورلرنی رادیو
وتلویزیون ده کوچیتیریش.
ج- تاریخ صحیفه لری عنوانی آستیده، رادیو تلویزیون ده ملی-
حماسی پرو گراملرنی وجودگه کیلتیریش و بو پروگراملر آرقه لی ترکتبار ملی،
کوره شچن قهرمانلرو شخصیتلرنی تانیشتیریش.
د-رادیو تلویزیون ده خلق شکایتی نی عکس ایتتیره دیگن دستور
لرنی یولگه قوییش .
8 ماده:خلق ارا تورکی زبان اویوشمه نی تاسیس ایتیش.
الف- هر ییلی مذکور اویوشمه قوریلتایینی چیت دولتلرده تشکیل
ایتیش.
ب- جهان بویله ب مذکور اویوشمه وکیللری نی سیله ش.
ج-اویوشمه شوراسی نینگ هیاءتی اعضاسی عالی تحصیلاتگه ایگه
بولیشلری وافغانستان تورکلریدن سیله نیشی شرط.
9-ماده : بیرلشگن ملتلر انجمنی همکارلیگیده مملکت اهالیسی
سانی- سناغینی بیلگیلش کمپاینینی یولگه قوییش.
الف- افغانستان تورکلری اهالیسینی سنه ش کدرلرینی انیقلش
واولرنی دولت اداره لریده ایش بیلن تامینله ش.
ب- تورک زبان طلبه لر سانینی داخلی وخارجی اوقو درگاه لریده
انیقله ش.
بو قطعنامه اوچ تیلده( تورکی اوزبیکی، دری و انگلیس )
تیللریده
تیارله نیب، افغانستان پارلمانیگه،جمهوری ریاست مطبوعات
اداره سیگه و بیر لشگن ملتلر انجمنی اداره سیگه اوزه تیله دی.
شو نینگ دیک کنفرانس شوراسی هیاتی تمانیدن قویده گی شخص لر
ذمه سیگه تورلی وظیفه لر یوکلندی:
1- محمد هاشم رحمتی - افغانستان ملی اسلامی جنبشی نینگ
کانادا ده گی نماینده سی صفتیده،
2-امان الله نظری - مدنیت وکلتور وکیلی صفتیده.
3- داکتر بسم الله داهی وانجینیر ظهیر الدین شاکری خارجی
مملکتلر بیلن علا قه باغله ش نماینده سی صفتیده،
4- محمد یعقوب رحمتی- کانادا مقاماتی بیلن علا قه باغله ش
نماینده سی صفتیده،
همچنین شورا هیاتی اعضا سی گووالف شهریده جایلشگن
افغانستان تورکی زبان خلقلری باله لرینی تربیه له ش صنفی نی کوز دن کیچیریب،
مذکور صنف معلمه سی یولدوز داهی ومکتب باله لری بیلن صحبتلشدیلر. بو صنف اا
ییل آلدین تشکیل ایتیلیب، اونده تورکی اوزبیکی تیلی واسلام دینی قاعده لری
مشغولاتی اوتکه زیله دی. اوقوچیلر سانی ایسه، 50 نفر گه ییته دی.
شونی آیتیب اوتیش کیره ککه، ییغیلیش جنید الله وعلی سینا
صبوری و بهرام خدای بیردی اوزبیکستان لیک ییتوک خواننده
اجراسیده گی قوشیقلر بیلن او ز نهایه سیگه ییتدی.
ییغیلیش کیچ ساعت بیر گچه دوام ایتدی. شونینگ دیک گووالف ده
استقامت قیله یاتگن وطنداشلریمیزتمانیدن مهمانلر و کنفرانس قتنشچیلری شرفیگه
تورک اوزبیک لرگه خاص بولگن غذالریدن نمونه بولمیش ضیافت ترتیب ایتیلگن
ایدی.
قووانر لی جایی شونده که، "افغان اوز" سایتی متصدسی سوزیگه
قره گنده، حاضر گچه گوالف کنفرانسی حقیده، مذکور سایت عنوانیگه 50 دن زیاد
خطلر سایت شیدالری تمانیدن ییتیب کیلگن .بو خطلرده کنفرانس حقیده معلومات
بیریشیمیزنی سوره شگن .
خبرنگار: د.ف.ا.
********************************
کنفرانس سالونیدن آلینگن فوتو- صورتلر
|
