شاعرلریمیز

علاقه لر

قوشقلر

دوستلریمیز

بسم الله الرحمن الرحیم

حـرمـتـلـی وطـنـداشـــلـریـم!

ایـلـک سـیـزلـرگـه سـیـوگـی بـیـلـن ســلامـلـریـمـیـزنـی ایـتـیـب،قــدمـلـریـزگـه حـســنـات دیـب ایـتـه مـیـز!

   قربان هییتی بوتون دنیاتورک لری اراسیده خاص طنطنه لربیلن کوتیب آلینه دی . اینیقسه بوبیرم افغانستان تورک لری اراسیده هم علیحده اورین نی ایگه لگن . بو بیرم نی برچه تورک  لر بیر بیرلریگه مهرو محبت کورکزیش بیلن  کوتیب آله دیلر.  بوکون ده برچه خلق لراوز ارا لریده کی کینه و کدورت لرنی اورته دن کوتره دیلر. بیرم ده قربان  لیک قیلیش و میوه دسترخوان لرنی یازیش و بیربیرلری نینگ اویلریگه باریش بیلن استقبال قیله دیلر.

اوشبو عنعنه افغانستان دن تشقری و حتی اروپا ده گی اولکه داشلریمیز اورته سیده هم اوشه مقیاس ده کوتیب آلینه دی.

قربان لیک قیلیش اینگ  کتته فداکارلیک نشانه سی بولیب و بو بیزلرگه  حضرت ابراهیم خلیل الله نینگ عزیز فرزندلری نی خداوند ( ج) راضی لیگی نی قول گه کیریتیش اوچون قربان لیک قیلیش گه حاضر بولگن نی قدرله ش و نشانله ش اوچون کوتیب آلـیـنـگن بیر عنعنه بولیب, حاضرگه چه مسلمان ملت لرگه  واجب بولگن بیرفریضه.

بوتون دنیا مسلمانلری قربان لیک قیلیش اوچون ( قوی , هوکیز, تیوه وبشقه بویوریلگن حلال مال لرنی ) ذبح قیلیب، قربان لیک قیله دیلر و اوندن لذت لی اوقات لر تیارلب و برچه خلق نی چقیریب ویا خام تلاش قیلیب بولیب بیره دیلر.

حاضر عزیز اولکه میزافغانستان نی اوروش النگه سی خواطر گه سالماقده. خلقیمیز قتیق حالده حیات کیچیرماقده لر,  ایش سیزلیک , قشاقلیک , پارتلش لر اولوسیمیزنی ایزماقده. تینگری تعالی انه شوندی حالت لردن برچه خلق یمیزنی قـوتقـرسین .

بابر فرهنگی و کلتوری بیرلیگی 2004 ییلی نینگ جنوری آییده اولوس سیور ییگیت لریمیز نینگ جان کویرلیگی بیلن قوریلگندور. اوشبو بیرلیک نینگ یالغوز هدفی اولوسمیز نینگ معنوی بای لیکلرینی    کوچله ب و ترقه یتریشدور. بو یولده قولیمیز دن کیلگن کوره ش و بجره شلرنی خلق میز ایچون ایه می میز.

منه شو کوره ش و بجره ش ایچون ایلک ایش تیلیمیز نینگ بای لیگی گه قوشیمچه قوشماق دور. اینیقسه اوشبو غربت و یورتتن یراقلیکده اوز ملی بارلیگی میز نینگ یوقا تیش کوپ آسان بوله دور. باله لریمیز اوز تیلی و کلتورینی یوقاتیش بیر کیله جک بیلن قرشی کیلگندور. انه شوندی بیر حیاتی مسله نینگ توغری بیر شکلده حل قیلیش و هویت میز نینگ سقله ماق اوشبو بیرلیک نینگ باشته بولگن هدف لریدن دور.

بو مناسبت بیلن سیزلر نینگ قربان هییتی ینگیز نینگ قویده گی شعر بیلن قوتله ب، برچه نگیزگه خیر و سعادت لر نصیب بولیسین دیب، دعا قیله میز. آمین

ینگی بیرم

مبارک سیزلره بول ینگی عید و ینگی بیرم هم   

                                  بولینگ لر برچه نگیز کونگول بیلن بیر بیرگه سیز همدم

نیچه ییل دیر اولوس تورلی عقوبت لر چیکر تینمی

                                  زمان آشوبیدن آرتیقچه موندن چـیــــکمه ســـین ایل غم

ایناقلیک ایلگی نی سیز بیرگه اوشلب اتفاق ایلنگ

                                  وطن آبـــاد یشــــنر ایل ـ اولوس لــــر برچه سی خرم

آچینگ الفت قوچاغین ترک ایتیب بغض و عداوت نی

                                 ابد گه تیگرو بویورت ایچره بیرلیک ییمــــــا سین بر هم

جهان خلقی بیلیک نروانی بیرله کوک ساری چیقدی

                                 بیلیم بــــیرلن جهــــــان نی ایلانگیز تسخیر سیز لـــر هم

قوینگ لر معرفت بنیادینــــی اوشبو وطــــن ایــچره

                                نیچونکیم ییتگه سیـــز مقصد گه ایلب جهـــد سیـــز کم کم

قوشیلسین بخت اوزه بخت و سعادت ایل ـ اولوس ایچره

                               قوانــج اوستیگه خوشلیک اوشبو یورتده کیلگوســی پیــــهم    

                             وطن نی ایسلب

نیجوک بولگی بو غربتده وطن دن            که یاد ایتسک اوشل باغ و چمندن

اونیب اوسگن گوزل آنه دیاریم                 او دیر بختیم مینینگ عزو وقاریم

وطن دیرمینگه یلغوزشان وشوکت            او دیر مینگه شرف دیر قدرو عزت

وطن مهری مینینگ قلبیم گه پیوند            وطن آنم  انگه مین ایرکه  فرزند

وطن نامی مینینگ  ورد  زبانـــیم             وطن توپراغی  رضواندین نشانیم

مینگه جاندین عزیزراق میهنیم دیر           توغیلگن مسکنیم  هم  مدفنیم  دیر

اریغ  نامینی  یاد  ایتسم  نه بولگی            چکامه  شانیگه  بیتسم  نه بولگی

بو میهن سیوگی میزسرمایه میز دیر         بومیهن بختیمیز اینگ غایه میز دیر

آوونجیم  تابوغیم  منگو  اینانجیم              سروریم بارلیغیم  اسرو قووانجیم