|
|
|
حاضرله گن کیشی محمد کاظم نیازی
محمد یحیی حفیظی محمد یحیی الحاج عبدالحفیظ اوغلی 1321 ینچی شمسی ییلی 1943 میلادی ییلی سرپل ولایتی نینگ مرکزی بلوچ خانه ناحیه سی گه دنیا گه کیل گن اورته اوقونی منهاج السراج لیسه سیگه توگه تیب سونگره حربی بولیم گه درس کیردی او بیر از مدت دین سونگ آغیرکسل لیکه اوچرب تحصیلاتی نی ادامه بیرالمای 1345 ینچی شمسی ییل اوقوتوچی صفتیده ایش گه کیردی . او 1345 ینچی ییل دن تا 1358 ینچی ییل گه چه جوزجان ولایتی نینگ ایریم شهرلریده اوشبو وظیفه نی بجریب کیلدی 1358 ینچی ییل نا قولی شرایط لر طفیلی ایش دن استعفا بیریب شخصی ایش لر بیلن شغلندی اما 1364 ینچی ییل جوزجان ولایتی نینگ اطلاعات و فرهنگ ریاستی گه باشلیغ تعین لندی اوشبو وظیفه دن تشقری جوزجان ولایتی نینگ شاعر و یازوچیلر ایوشمه رئیس و 1371 ینچی ییلی بیر قورولتای شکلی ده جوزجان ولایتی امیرعلی شیر نوایی فرهنگی انجمنی ده باشلیغ تعین بولدی او حاضر شبرغان شهریگه آیینه تلویزیونی نینگ خادم لریدن دور اونینگ شعری اثرلری 1352 ینچی ییل دن بویان جوزجانان ، بیدار، ندای اسلام اولوس جریده لریده چاپ بولیب کیلماقده او اوزبیک آنه تیلی دن تشقری دری و هزاره گی تیل لرده هم یازه دی او نینگ شعری توپلمی 30 مینگ مصرع دن آرتیق بولیب تا هنوز چاپ بولمه گن
شعر لریدن نمونه لر
مبارک
شمشاد قا متینگ گا گلگون قبا مبارک کوز تیکمه سون بوینگ گا ای دلربا مبارک ای معدن نزاکت وی کان حسن و طلعت مقبول سن بغایت نا زو ادا مبــــــــــارک ای یخشی لارنی شاهی سرخیل پیشوایی سندیک امیر و شاه گه مندیک گدا مبارک خنجر آلیب چقیب سن قتلیمه کیم تقرم یخشی نیات ایتب سن ای مه لقا مبـــــارک هر جوریکه ایتار سن ایتمه دریغ نگارا سندین جفاو استم مندین وفا مبـــــــــــــارک هرنازوعشوه قیلسانگ اوستومغه کوترارمن نازینگ سنی مناسب عشوه نگ بجا مبارک
هر ظلمی که قیلورسن قیلغیل حقیم گه دلبر اما قیمه عزیزیم ترک وفا مبــــــــــارک
ایرک دیار
آزاده ایرک دیاریم جنت نشان ایماس مو اینقسه باغ و راغی رشک جنان ایماس مو بیر ساری خرمن گل بیرساری خیل بلبل صحن چمن لریده خوش نغمه خوان ایماس مو هرساری کوزآچیبان قیلسانگ نظاره آنینگ دامان دشتی جانا طرفه جهان ایماس مـــــــو بیگانه اولکه لاردین ای اولکه داش ایناغه م ویرانه اوز دیارینگ آرام جان ایماس مو اوزآنه سرزمین نی بیگانه لرگه تشلاب چیت اولکه لرده یورگان حیف جوان ایماس مو سن اونده محوعشرت من مونده غرق محنت کوپ جای شرم و خجلت ننگ زمان ایماس مو
فخر ایلا مای نه ایلای آتیگه ای حفیظی نام و نشانی آنینگ ورد زبان ایماس مو
اورگول سون قولینگ
ای ستمگر جورو آزارینگ دین اورگول سون قولینگ وی جفا جو چشم خونبارینگ دین اورگول سون قولینگ تشنهء دیدارلرینگ نی قویمه گیل زاریغله تیب آچ یوزینگ نی ایکی رخسارینگ دین اورگول سون قولینگ جلوه ایلب یورگانینگ طاوس گه منگزر باغ ارا سیرباغ و طرف گلزارینگ دین اورگول سون قولینگ کیل خرامان ایله بان یانیمده ای سرو روان قدو بوی و طرز رفتارینگ دین اورگول سون قولینگ نغمهء عشاق لرینگ گه صدقه اولسون چاکرینگ صوت سه گه بیرله گلیارینگ دین اورگول سون قولینگ سازو آواز ربا بینگ گه فدا بو نو کرینگ پرده طنبور ایله تارینگ دین اورگول سون قولینگ بیر حفیظی دور غلام حلقه برگوشینگ سنی سات خریدار بولسه بازارینگ دین اورگول سون قولینگ
کیلدیم ساغنیب
کورگالی حسنینگ نی ای دلدار کیلدیم ساغنیب آچ یوزینگ نی تشنهء دیدار کیلدیم ساغنیب سین که بیربار کیلما دینگ حال دلیم نی سورگالی اول که مین ایردیم سنی بار بار کیلدیم ساغنیب گل یوزینگ نی سیری گه مشتاق ایدیم دیوانه وار باغ حسنینگ گه بوکون مین زار کیلدیم ساغنیب یول لرینگ گه تیرمولوب کوربولدی کوزیم عاقبت کیلمادینگ حالیم سوراب نا چار کیلدیم ساغنیب بیر یولی حسن جمالینگ نی تویوب مین کیتمادیم درگهینگ گه ای پری هر بار کیلدیم ساغنیـــــب بسکه کوب تارتیم جفا و جور هجرینگ نی سنی شول اوچون افسرده و بیمار کیلدیم ساغنیــــب مین حفیظی حسرتینگ دین ناله و فریاد چکیب یغلب یغلب ایشیکینگ گه زار کیلمدیم سا غنیب
شوخ دل آزار
ای واه اسیر شوخ دل آزار من ینه در بند زلف یار جفا کار من ینه شهلا کوزینگ نی شوقیدین ایشوخ دلربا بی باده مست و بیخوده سرشار من ینه شونچه جفا و جورینگ ایله ای ستم شعار یوز آفرین جانیم گه تیر یک بار من ینه بیر لحظه کورمه سم اوله من ماه طلعتینگ آچکیل یوزینگ نی تشنه دیدار من ینه ای گلعذار شوق رخینگ دین سنی مدام بلبل کبی ناله چکیب زار من ینه هر ظلم و استمینگ بوسه قیلمه دریغ نگار چون مایل جفانگ ایله آزار من ینه
اولسم حفیظی یولیده نیلای که چاره یوق تا بار نفس تنم ده طلبگار من ینــــــــــــه
ستم هم قیلمه سون
قیلماسه حالیم گه رحم ظلم و ستم هم قیلمه سون مبتلای محنت و رنج و الم هم قیلمه سون گرترحم قیلماسه بول خسته کونگلوم حالیگه جور و بیداد ایله بان کانون غم هم قیلمه سون عذرو زاری و توله بیرله گر رام بول مه سه کورگه نیم دیک آهودیک هریانه رم تم قیلماسون گرتیریک لیک پیته قدریم بیل مه سه اول بیوفا اول گنیم دن سونگ منگا درد و الم هم قیلما سون وعده وصلین بیریب کونگلوم ده گر شادایتمه سه هجریده زار یغله تیب کوزیمنی نم هم قیلما سون شعریت که ایله دیم تسخیر اعراب ملکی نی بول دعا دی من بیلن اهل عجم هم قیلما سون
آه و فریادیم ایشت من بول سه اول نا مهربان ای حفیظی یغله گن چاغیده دم هم قیلما سون
شیدا لنمسون
هیچ عاشق من کبی عشقیده شیدا لنمسون یا که مجنون دیک بولیب ایل ایچره رسوا لنمسون چین زلفینگ نی آچیب جانا پریشان ایله گیل مشک عطار رسته سین ده تا که بویا لنمسون بو خرام ناز بیلان چیقسانگ اگر بازار ارا خلق ارا غلغل توشیب محشر برپا لنمســــون مونچه هم قان توکمکی عشاق بولورمو دهرارا قورقرم جاری بولیب هر یانه دریا لنمسون هوش قیلینگ یانیمده توتمانگلار رقیب نی آتینی اوشبو سوز نی ایشیتیب ایت لار غوغا لنمسون ایتی شهر عشق نینگ عطار کبی طی ایلادیم هیچ کیشی بول کوچه ده من بیرله همراه لنمسون
ای حفیظی شعریت ملکی ده بیشک سن امیر اوشبو تخت اوزره کیشی سن بیرله دعوا لنمسون
|
