ظهیرالدین محمّد بابر الفبا اختراع چیسی

ذ.ایشانچ

      اون بیشینچی عصراؤزبیک علم- فنی ومدنیتی ساحه سیده الفبانی اختراع

ایتیشگه بؤلگن حرکت و بجریلگن ایش نهایتده کتته حادثه ایدی . زیرا،

تاوّشلرواسطه سیده یوزه گه چیقه یاتگن  انسان نطقینی ، کیشی تفکّرینی  الفبا

تیزیمیگه جا ایتیش آسان ایش ایمس . اختراع قیلینگن الفبا تیزیمیده حرفلرنینگ

بیریکیشی، حرفلرواسطه سیده سؤزلرنی افاده قیلیش کیشیدن اولکن استعداد و

 قابیلیتنی طلب قیله دی. باشقه تاماندن هربیرتاوّشگه تینگ ینگی حرفنی تاپیش،

 وبوحرفلرنی تاوشلر قابیغیده مناسبتگه کیریتش انساندن چقور مشاهده

ودانشمندلیکنی هم تقاضا ایته دی . اؤز دوریده ینگی الفبانی اختراع قیلگن

 بابر انه شونده ی طلب،ایش وحرکت عهده سیدن موفقانه چیقه آلگن .

بعضی تیلشناسلر«خط بابری» عرب الفباسی اساسیده توزیلگن و بو یازو انچه

 ساده لشتیرگن ،آسانلشتیرگن،- دیب بهالشه دیلر دی . بیزنینگ چه بوقره ش

 یوزگه - یوز  اؤزینی آقلی آلمیدی .

 بابر یره تگن یازو29  حرفدن عبارت بؤلیب، بویازو واسطه سیده ، بابر

 تورکی تلفّظ یعنی ایسکی اؤزبیکچه تاوّشلر نی   ماسلشتیر ماقچی ، عکس

ایتتیرماقچی بؤلگن . اون بیشینچی عصر اوچ ون کرتریلگن بو قدمنی تجدد،

 ینگیلش دیسه بؤله دی .

                              «خط بابری» نینگ  تصویر ده گی کؤرینیشی   

 بابر بو ایشی بیلن عرب الفباسینی سوال آستیگه قؤیگن ؛عرب یازوی 

 اؤزبیکچه تاوّشلرنی افاده قیلیشده  ناباب ایکنینی اثباتلشگه اورینگن .

 یؤقسه، بابر اؤرته عصر شرایطیده ، عنعنه وی جمعیتده یشب توریب،

بونده ی مشکل ایشگه  قؤل اورمه گن بؤلؤرایدی .

«بابر خطّی» نی تؤغریدن- تؤغری عرب الفباسیگه اؤخشه یدی،-دیب بؤلمیدی.

بوخط نینگ اؤزیگه خاص تامانلری هلی، تیلشناس عالملر

 تامانیدن ییترلی تدقییق ایتیلمه گندیر.

تاریخده «خط بابری»(«بابر یازوی») دیب اتلگن اوشبو یازونی  ظهیرالدین

 محمّدبابراختراع قیلرکن، اونی علیحده بیراثرده یعنی «خط بابری»

رساله سیده نظری اساسلب هم بیره دی .

بابر هندوستانده ایکنیده،  اؤزی نینگ ایریم اثرلری جمله دن«بابرنامه»،

شعرلرتؤپلمی، موسیقه وحرب ایشلریگه عاید رساله لرینی ، انه شوخط

 اساسیده کتابت قیله دی، اولرنی افغانستانده حکمرانلیک قیله یاتگن اؤغیللری

بؤلمیش همایون وهندال میرزالرگه جؤنه ته دی .

شونینگدیک بابر مسلمانلرنینگ مقدس کتابی «قرآن»نی هم شو یازوّده کتابت

 قیلب، اونی«مُصحف بابری» («بابر قرآنی») - دیه  نام لیدی . «خط بابری»

اساسیده یازیلگن مُصحفنی  ظهیرالدین محمّد بابر اسلام علمالری تصدیغیدن

اؤتکزیش مقصدیده، مکّه گه جؤنته دی . بیراق، بابر مکّه علمالریدن

 بوحقده هیچ قنده ی جواب آلمه یدی .

 ایرانده سقله نیب کیله یاتگن اوشبو کتاب 2004- ینچی ییلی اؤزبیکستانگه

 آلیب کیلیندی . اؤزبیک ضیالیلری بو کتابنی خوش قرشیله دیلر .